Tailandyň häkimiýetleri gowşak ykdysadyýeti goldamak üçin 45 mln raýata töleg tölemäge başlady. Bu maksatnamanyň çäklerinde 14 mlrd dollary nagt bermek meýilleşdirilýär diýip, Financial Times ýazýar.
Her raýat bir gezekde 10 müň bat (takmynan, 300 dollar) almaly. Ilkibaşda puly 14,5 mln adamyň, ýagny ilatyň has gowşak gatlagynyň arasynda paýlamak meýilleşdirilýär. Töleg almak üçin eýýäm 36 mln töweregi raýat hasaba alyndy.
Gazetiň belleýşi ýaly, Tailandyň ykdysadyýeti öý hojalyklarynyň ýokary bergi derejesi, gowşak eksport we syýahatçylykdan gelýän girdejiniň azalmagy sebäpli pese gaçyşy başdan geçirýär, ýöne puluň paýlanmagy Günorta-Gündogar Aziýanyň ikinji uly ykdysadyýetiniň “gowşak ösüşini üýtgetmek” üçin ýeterlik bolman biler. Ykdysatçylaryň pikiriçe, maksatnama “çäkli, bir gezeklik täsiri” ýetirer we şol bir wagtyň özünde gurluş özgertmeleri girizilmese, ykdysadyýetiň dikelmegine pes täsir eder.
