Disney+ “Tapmaça” multfilminiň spin-off-y (ýaýbaňlandyrylmasy) boljak täze “Düýşler studiýasy” (Студия сновидений) animasion serialynyň ilkinji tizerini hödürledi. Multfilmiň premýerasy 11-nji dekabrda bolar.
Sýužet iki multfilmiň wakalarynyň arasynda ýaýbaňlanýar we Raýliniň düýşleriniň döredilýän kinostudiýasy barada gürrüň berýär.
Disney+ “Düýşler studiýasynyň” tizeri bilen birlikde Pixar-yň täze “Ýeňmek ýa-da ýeňilmek” (Победить или проиграть) serialynyň ilkinji kadrlaryny hödürledi. Taslamanyň premýerasy 2025-nji ýylyň 19-njy fewralyna meýilleşdirilýär. Serial özüne ynam etmeýän çagalar we olaryň öz-özüni aňlamak ýoly barada gürrüň berýär.
“Bu iki serial Pixar-yň döredijiligini iň gowy ýagdaýda görkezýär. Biz muşdaklaryň “Tapmaça” dünýäsinden täze ajaýyp materiallara köp garaşmaly bolmajakdygyna begenýäris. Dream Productions – bu degişmeleriň we şatlygyň hazynasy, çünki biz onda ilkinji filmiň iň halanýan bölekleriniň birine – Raýliniň düýşleriniň döredilişine has çuňňur aralaşýarys.
Biz “Ýeňmek ýa-da ýeňilmek” studiýamyzy beýik edýän zady hakykatdan görkezýän ilkinji uly serial diýip hasaplaýarys: batyrgaý wakalar, gülki we degişme” – diýip, Pixar-yň baş döredijilik müdiri Pit Dokter teswir berdi.
