StudioCanal aýyjyk Paddington baradaky filmiň dördünji bölümini anons etdi, onuň çykmagy 2027-2028-nji ýyllara meýilleşdirilýär. Film çagalar ýazyjysy Maýkl Bond tarapyndan döredilen gahrymanyň 70 ýyllygyna bagyşlanar diýip, studiýanyň ýolbaşçysy Fransuaza Giýonne salgylanyp, The Hollywood Reporter habar berýär.
Şeýle-de, ol žurnalistlere Paddington hakda teleserial çykarmak meýilnamalary barada aýtdy. Sýužet we aktýorlar düzümi barada giňişleýin maglumatlar heniz berilmedi.
Mundan başga-da, 2025-nji ýylyň ahyrynda Londondaky West-End teatrynyň sahnasynda Paddington baradaky mýuzikliň premýerasy bolar. StudioCanal aýyjyga bagyşlanan onlaýn platformany hem işjeň ösdürýär: Londonda sergi guramak, Roblox onlaýn platformasynda oýun çykarmak meýilleşdirilýär.
2024-nji ýylyň noýabr aýynda ekrana franşizanyň üçünji filmi – “Paddington Peruwda” çykar. Onda aýyjyk Amazoniýa tokaýlarynda ýaşaýan gowy görýän daýzasy Lýusini tapmak üçin öz watanyna ugraýar. Paddingtona ýene Ben Uişou ses berdi, ikinji plandaky keşpleri Hýu Bonnewill, Emili Mortimer, Juki Uolters, Jim Brodbent, Oliwiýa Kolman we Antonio Banderas ýerine ýetirdi.
