Ledi Gaga režissýor Todd Fillipsiň “Joker: Iki adamlyk telbelik” (Джокер: Безумие на двоих) filmine niýetlenen täze “Harlequin” albomynyň çykjakdygyny anons etdi.
Albom 27-nji sentýabrda çykar we “Still Not October”, “Moondust Gets Everywhere”, “No Ducttape No Mission”, “Don't Tell Me What to Wear” we “I'm Ready for My Interview” aýdymlaryny öz içine alýar. Umuman, alboma 13 kompozisiýa goşuldy.
Albomyň daşynda Ledi Gaga duşuň aşagynda ýel berlen gyzyl halas ediş “ýakasy” bilen suratlandyrylan.
“Joker: Iki adamlyk telbelik” filminiň premýerasy 4-nji sentýabrda Wenesiýa kinofestiwalynda boldy. Tankytçylar asyl filmiň dowamyna dürlüçe baha berip, ssenariýalaryň gowşaklygyny we gahrymanlaryň doly açylyp görkezilmändigini bellediler, ýöne aktýorlyk oýnuny we wizual düzüjileri öwdüler.
Filmde Artur Flek kesel bejeriş jaýy Arkhemde bolup, birnäçe kynçylyk bilen ýüzbe-ýüz bolýar. Sýužet, esasan, Joker (Hoakin Feniksiň ýerine ýetirmeginde) bilen Harli Kwinniň (Ledi Gaga) gatnaşyklarynda gurulýar. “Joker: Iki adamlyk telbelik” filminiň tomaşaçylar üçin premýerasy 4-nji oktýabrda bolar.
