Tunisli tennisçi, dünýäniň 23-nji raketkasy Ons Žaber BMG-niň Bütindünýä azyk maksatnamasynyň hoş meýilli ilçisi boldy. Bu barada Žaber öz sosial ulgamlarynda habar berdi diýip, “Çempionat” portaly ýazýar.
“Bütindünýä azyk maksatnamasynyň hoş meýilli ilçisi bolmak hem-de dünýämizi gowulaşdyrmak üçin işlemek meniň üçin uly hormat. Geliň, Afrikada, Ýakyn Gündogarda we bütin dünýäde açlygy ýok etmek üçin bilelikde göreşeliň" - diýip, tennisçi aýdýar.
Žaber egninden şikes alanlygy sebäpli häzirki tennis möwsümini tamamlamaly boldy. Bu şikes sebäpli ol Sinsinnati we US Open ýaly birnäçe ýaryşdan çekilmäge mejbur bolupdy.
