Aktýor Jonni Depp durmuşda ýeten üstünlikleri üçin Rim kinofestiwalynda baýraga mynasyp bolar. Sylaglama dabarasy oktýabr aýynda, režissýor Frensis Ford Koppola we aktýor Wiggo Mortensene şeýle baýraklaryň gowşurylyşy bilen bir wagtda bolar diýip, Independent neşiri habar berdi.
“Karib deňziniň garakçylary” (Пираты Карибского моря) franşizasyndaky rollary bilen belli bolan aktýor festiwalda özüniň “Modi” atly täze režissýorlyk işini hödürlär. Film Birinji jahan urşy döwründe suratkeş Amedeo Modilýaniniň durmuşyndan 48 sagat barada gürrüň berýär.
Frensis Ford Koppola Italiýa täze “Megalopolis” filmini getirer, Wiggo Mortensen bolsa “Merhumlar yza bermeýär” (Мертвые не причиняют боли) westernini hödürlär, bu filmde ol diňe bir aktýor hökmünde däl, eýsem režissýor, ssenariýaçy we prodýuser hökmünde çykyş etdi.
Rim kinofestiwaly 2006-njy ýyldan bäri her ýyl abraýly Wenesiýa we Turin festiwallarynyň aralygynda geçirilýän çäredir. Ol 2024-nji ýylda 16-njy oktýabrdan 27-nji oktýabr aralygynda geçer.
