Hindistan Wengriýanyň paýtagty Budapeştde geçirilen Bütindünýä küşt olimpiadasynda erkekleriň we zenanlaryň arasyndaky ýaryşlarda altyn medal gazandy diýip, RIA Nowosti habar berýär.
Gukeş Dommarajudan, Rameşbabu Pragnanandhadan, Arjun Erigaýsiden, Widit Santoş Gujratiden we Pentala Harikrişnadan ybarat erkekler ýygyndysy 11 oýunda 21 utuk gazanyp, amerikan ýygyndysyny (17 utuk) we Özbegistanyň toparyny (17 utuk) yzda galdyrdy.
Harika Dronawalliden, Rameşbabu Waýşaliden, Diwi Deşmukhdan, Wantika Agrawaldan we Tani Saçdewden ybarat zenanlar ýygyndysy hem 19 utuk gazanyp, ýeňiji boldy. Ikinji orny gazagystanly küştçüler (18 utuk), üçünji orny amerikaly küştçüler (17 utuk) eýeledi.
Ýaryşlar 10-njy sentýabrdan 23-nji sentýabr aralygynda geçirildi.
