Denni Boýluň postapokaliptik trilleriniň dowamy bolan “28 ýyl soň” (28 лет спустя) filmi iPhone 15 Pro Max smartfonynda surata düşürildi. Wired neşiriniň maglumatlaryna görä, surata düşüriş topary professional hili üpjün etmek üçin ýörite adapterler bilen enjamlaşdyrylan birnäçe modifisirlenen smartfony ulandy.
Çeşmeleriň maglumatlaryna görä, kartinanyň býujeti 75 mln dollar boldy, bu hem ony häzire çenli smartfonda alnan iň gymmat filme öwürýär.
Filmde Jodi Komer, Reýf Raýns we Çarli Hannam oýnady, 2002-nji ýylda çykan asyl filmde (“28 gün soň”) baş keşbi ýerine ýetiren Killian Mýorfi bolsa, gürrüňlere görä, sikwelde epizodik keşpde peýda boldy.
Filmiň režissýory hökmünde asyl filmiň awtory, şeýle-de “Harabalykdan çykan millioner” (Миллионер из трущоб) we “127 sagat” filmleri bilen tanalýan Denni Boýl çykyş etdi. 2002-nji ýyldaky film hem şol döwürde adaty bolmadyk tehnologiki çözgüt bilen tapawutlandy. Ol Canon XL-1 sanly kamerasynda surata düşürilen ilkinji uly filmleriň biri boldy.
