Magtymguly adyndaky TDU Himiýa dersi boýunça III Halkara olimpiadasyna çagyrýar

  • 22.09.2024 00:00
  • 3.9k+
Magtymguly adyndaky Türkmen döwlet uniwersiteti 2024-nji ýylyň 25-30-njy noýabry aralygynda ýokary okuw mekdepleriniň talyplarynyň arasynda Aşgabat şäherinde Himiýa dersi boýunça geçirilýän III Halkara olimpiadasyny geçirýär. Ýokary okuw mekdebi resmi saýtynda isleg bildirýänleri olimpiada gatnaşmaga çagyrýar.

Olimpiadanyň resmi iş dilleri - türkmen, iňlis we rus dilleri.
Olimpiada şahsy we toparlaýyn bäsleşik görnüşinde geçirilýär:
Şahsy bäsleşik we derejede geçirilýär:
a) derejä islendik hünärde okaýan talyplar gatnaşyp bilýär.
b) derejä hünär ugry himiýa bolmadyk talyplar gatnaşyp bilýär.

Şahsy bäsleşigiň netijesi boýunça toparlaýyn bäsleşigiň jemi jemlener.
Olimpiada iki tapgyrda geçirilýär:
- A derejäniň birinji tapgyry organiki däl himiýa we fiziki himiýa boýunça, ikinji tapgyr organiki himiýa we analitiki himiýa boýunça ýazmaça görnüşinde geçirilýär;
- B dereje üçin birinji tapgyr test görnüşinde, ikinji tapgyr ýazmaça görnüşinde geçirilýär.
Çagyrylan her ýokary okuw mekdebinden her dereje üçin gatnaşyjylaryň sany dört talypdan (bakalawr we hünärmen derejelerinden) we bir ýolbaşçydan (4+1 görnüşinde) geçmeli däl.
Olimpiadanyň ýeňijilerine diplomlar we medallar gowşurylar.
Olimpiada gatnaşýan ýokary okuw mekdebine üç mesele hödürlemäge hukuk berilýär. Hödürlenýän meseleler anyk çözüwi bilen guramaçylyk iş toparyna 2024-nji ýylyň 10-njy noýabryna çenli olimptsu@gmail.com elektron poçta arkaly ugradylmaly. Hödürlenen meseleler kabul edilen halatynda toparyň ýolbaşçysy eminler toparynyň başlygynyň razylygy bilen eminler toparynyň agzalygyna girizilip bilner.
Olimpiada gatnaşyjylaryň Magtymguly adyndaky Türkmen döwlet uniwersitetiniň amatly şertli umumy ýaşaýyş jaýynda ýaşamagy, naharlanmagy, şeýle-de Aşgabadyň çägindäki ýol harajatlary kabul edýän tarapyň hasabyna, Aşgabada gelmek we gitmek bilen bagly harajatlar, şeýle hem aýratyn ýagdaýda, gatnaşyjynyň myhmanhanada ýerleşmek islegi bar bolan halatynda ugradýan tarapyň hasabyna tölener.
Olimpiada gatnaşmaga isleg bildirýänler ýokary okuw mekdebiniň resmi haty arkaly toparyň düzümi baradaky maglumaty, şeýle hem doldyrylan hasaba alnyş kagyzyny we şahsy kagyzyny olimptsu@gmail.com elektron salgysyna ibermeli. Hasaba alnyş 2024-nji ýylyň 31-nji oktýabryna çenli dowam eder.

Habarlaşmak üçin:
Telefon: +99364 050124; +99363 699364.
Elektron salgysy:
olimptsu@gmail.com


24.06.2025 00:28
3.9k+

Türkmenistanda arap diliniň fonetikasy we maglumat tehnologiýalary boýunça täze okuw kitaplary çykaryldy

Türkmen döwlet neşirýat gullugy Türkmenistanyň Bilim ministrliginiň teklibi boýunça ýurdumyzyň ýokary okuw mekdepleri we umumy bilim berýän orta mekdepleri üçin täze okuw kitaplaryny çykardy. “Arap diliniň fonetikasy”...

23.06.2025 01:32
8.9k+

Türkmenistanyň 14 sany ýokary okuw mekdepleri «THE Impact Rankings-2025» dünýä reýtinginiň sanawyna girdi

Türkmenistanyň ýokary okuw mekdepleriniň 14-si «THE Impact Rankings-2025» atly her ýyl çap edilýän täsir etmegiň ählumumy reýtinginiň ýedinji neşirinde orun aldy. Bu ýokary okuw mekdepleri «Times Higher Education (THE)» Britan guramasynyň garaşsyz halkara bilermenleriniň ykrarnamasyna eýe boldular...

20.06.2025 20:00
2.1k+

Türkmenistanda “Ýaş žurnalistiň döredijilik mekdebi” atly okuw gollanmasy neşir edildi

Ýakynda Türkmen döwlet neşirýat gullugy “Ýaş žurnalistiň döredijilik mekdebi” atly okuw gollanmasyny neşir etdi. Magtymguly adyndaky Türkmen döwlet uniwersitetiniň Žurnalistika kafedrasynyň uly mugallymy, Türkmenistanyň...

13.06.2025 17:37
7.1k+

Balkanabatda mugallymlaryň festiwaly geçirildi

Balkanabat şäherinde “Kämil mugallym – kämil nesil” atly mugallymlaryň festiwaly geçirildi. Türkmenistanyň Bilim ministrliginiň hem-de “Kämil Bilim” okuw merkeziniň bilelikde guramagynda geçirilen bu çäre ýurdumyzyň günbatar sebitiň orta mekdeplerinde bilim berýän mugallymlaryň ýüzden gowragyny bir ýere jemledi...