Dünýä belli “Garri Potter” eseriniň ýazary hökmünde tanalýan Joan Rouling täze “futuristik romanyň” üstünde işläp başlady diýip, Deadline habar berýär.
Ýazyjynyň X sosial ulgamynda (öňki Twitter) habar berşi ýaly, ol Robert Gelbreýt lakamy bilen ýazylan Kormoran Straýk hakyndaky detektiwlerden soň esasy taslamasy boljak bu kitaby ýazmaga başlady.
Roulingiň aýtmagyna görä, roman geljek bilen baglanyşykly bolar, ýöne muşdaklaryň çaklamalarynyň tersine kosmos temalaryna degmez. Romanyň içindäki hereketler “Ýer bilen baglanar”.
Roman bilen bilelikde Rouling özüni derňewlere bagyşlamak kararyna gelen owgan söweşiniň weterany Kormoran Straýk baradaky sekizinji kitabyň üstünde işleýär. Bu seriýa eýýäm uly meşhurlyk gazandy. Täze kitap “Bellikli adam” (Человек с клеймом) ady bilen çykar. Bu kitaplara esaslanýan, teleserial döredildi. Bu serial BBC we HBO-da görkezilýär. Ýakynda altynjy möwsümiň surata düşürilmegi tamamlandy.
