Dronlar harytlary we poçtany ibermek üçin ulanylyp bilner. Ýöne Alphabet-e degişli bolan Wing kompaniýasy dronlardan peýdalanmagyň başga bir ýoluny tapdy. Kompaniýanyň dronlary synag maksatnamasynyň çäklerinde donor ganyny daşap başlarlar diýip, IXBT habar berýär.
Guy’s and ST Thomas’ NHS Foundation Trust gaznasynyň Apian startapy we Wing bilen hyzmatdaşlygy netijesinde Londonda iki hassahananyň arasynda dronlar bilen donor ganyny daşamagyň synag maksatnamasy işe girizilýär.
Gaý hassahanasy bilen Sent-Tomas hassahanasynyň barlaghasynyň arasynda nusgalaryň geçirilmegi ýolda ýarym sagatdan gowrak wagt alyp biler, ýöne dronlaryň kömegi bilen muňa bary-ýogy iki minut gerek bolar. Bu has çalt seljermäge mümkinçilik berip, mysal üçin, hassalara operasiýadan geçmegiň howpsuzdygyny ýa-da ýokdugyny netijeli kesgitlemäge kömek eder. Synagyň dowamynda ganyň lagtalanmak bozulmalary sebäpli gaýra üzülmeklik töwekgelçiligi ýokary bolan operasiýa geçiren hassalar üçin gan nusgalary gowşurylar.
Synaglar ýarym ýyl dowam eder we geljekde logistik taýdan has çylşyrymly taslamalary meýilleşdirmäge mümkinçilik berer.
