Ford awtoöndürijisi taryhda iň kuwwatly tapgyrlaýyn “Mustangy” – Ford Mustang GTD 2025-i hödürledi. Awtomobil 5,2 litrlik V8 benzin hereketlendirijisiniň kömegi bilen 826 at güýjüni berýär. Şeýle “Mustang” Porsche 911 GT3 RS sportkaryndan hem kuwwatly boldy. Iň ýokary tizlik sagatda 325 km ýetýär.
Kuzowyň käbir elementleri, şol sanda kapot, ganatlar, goş goýulýan ýeriň gapagy we yzky diffuzor uglerod süýüminden ýerine ýetirilen. Awtomobiliň daşky görnüşi “Mustanglara” mahsus aýratynlyklary, şol sanda firma faralaryny miras aldy.
Awtomobil indi Nýurburgringde synalyp görler. Ford täze Mustang GTD-niň bu meşhur ýoly ýedi minutdan az wagtyň içinde geçip biljekdigini belleýär. Deňeşdirmek üçin, Lamborghini Huracan LP 640-4 Performante 20,832 km ýoly 6 minut 57 sekuntda geçýär. Iň kuwwatly “Mustangyň” bahasy heniz yglan edilmedi.
