HBO-nyň “Garri Potter” kitabyna esaslanýan serialy 2026-njy ýylyň ahyryndan ýa-da 2027-nji ýylyň başyndan bärde çykarylmaz. Bu barada Max telekanalynyň başlygy Keýsi Bloýs Deadline-e beren interwýusynda aýtdy.
Bloýs: “Ssenariýeçiler ýazyp başladylar. Mark Maýlod (režissýor) taýýarlyk görüp başlady. Topar bölüm müdirlerini işe alýar, kasting geçirilýär, şulardan soň başlaýarys " – diýdi.
Kasting habarnamasynda önümçiligiň başlanýan senesi hökmünde 2025-nji ýylyň mart aýy görkezildi, ýöne Bloýs bu maglumatyň filmiň önümçiligi däl-de, ýaş aktýorlaryň ýaşy bilen baglanyşyklydygyny nygtady. Ol: “Ssenariýeçi Françeska Gardiner ýaňy işine başlandygy sebäpli, akymyň goýberiljek senesi barada gürlemek entek ir” – diýdi.
Golaýda “Garri Potter” kinoadaptasiýasyndaky Sirius Blek roly bilen tanalýan “Oskar” baýragynyň eýesi Geri Oldman, serialda Dambldoryň roluny oýnamaga razy boljakdygyny aýtdy.
