OpenAI emeli aň (EA) modelleri işlenip taýýarlananda howpsuzlyk meselelerine gözegçilik etjek garaşsyz gözegçilik edarasynyň döredilendigini habar berdi. Täze düzüm howpsuzlyk üçin töwekgelçilikler ýüze çykan ýagdaýynda modelleriň relizini togtatmak hukugyny aldy.
Bu çözgüt kompaniýanyň howpsuzlyk çärelerini 90 günlük seljermeden soň kabul edildi. Howpsuzlyk komitetine Ziko Kolter ýolbaşçy boldy, onuň düzümine bolsa Adam D’Anjelo, Pol Nakasone we Nikol Seligman girdi. OpenAI-yň baş müdiri Sel Altman bu komitetiň agzasy däl. Täze edaranyň esasy wezipesi howpsuzlyga baha bermekden we täze EA relizleri bilen baglanyşykly bolup biljek howplaryň öňüni almakdan ybarat.
Komitet resmi taýdan garaşsyz edara statusyny alsa-da, onuň agzalary kompaniýanyň müdirler geňeşine girmegini dowam etdirýärkä, onuň garaşsyzlygy sorag astynda galýar.
Şeýle-de, OpenAI emeli aň pudagynyň beýleki gatnaşyjylary bilen hem hyzmatdaşlygy giňeltmek meýilnamasyny yglan etdi we öz ulgamlarynyň howpsuzlygy we synagy babatynda aç-açanlygy ýokarlandyrmagy maksat edinýär.
