“Awataryň” meşhur režissýory Jeýms Kemeron taryhda iň betbagtçylykly wakalaryň birine – Hirosima we Nagasakä atom bombalarynyň taşlanmagyna bagyşlanan filmi surata düşürmek meýilnamasy barada aýtdy.
“Hirosimadan soňky otly” (The Last Train from Hiroshima) atly taslama Çarlz Pellegrinonyň pajygaly wakanyň netijeleri barada gürrüň berýän kitaplaryna esaslanar.
Filmiň sýužetinde iki betbagtçylykdan aman galan ýeke-täk adam Sutomu Ýamagutiniň gürrüňleri durar. Kemeron Ýamaguti bilen onuň ölmezinden öň duşuşdy we onuň wakasyny owadanlamazdan gürrüň bermegi wada berýär. “Ol hassahanadady. Öz şahsy wakasynyň estafetasyny bize geçirdi, şonuň üçin men muny etmeli. Men mundan ýüz öwrüp bilmeýärin” – diýip, režissýor Deadline bilen söhbetdeşlikde aýtdy.
“Hirosimadan soňky otly” Kemeron üçin “Awataryň” hyýaly dünýäsinden çykmagy bolar. Režissýor urşuň elhençliklerini suratlandyrmak we adamzada ýadro ýaragyny ulanmagyň pajygaly netijeleri barada ýatlatmak üçin hakykata aralaşmak isleýär.
Häzirlikçe filmiň çykjak senesi aýdylmaýar, ýöne onuň “Awatar” seriýasynyň üstündäki işler tamamlanandan soň çykjakdygy belli. Fantastiki franşizanyň üçünji filmi “Ot we kül” 2025-nji ýylda çykar, şondan soň ýene iki bölümiň bolmagyna garaşylýar.
