15-nji sentýabrda “Dedpul we Rosomaha” filminiň dünýä prokatynda kassa ýygymy 1,3 mlrd dollardan geçdi. Bu mukdara ýetmek üçin filme iýul aýynyň ahyrynda bolan premýerasyndan bäri bir ýarym aý gerek boldy.
Film “Demir adam 3-den” ($1,2 mlrd) öňe geçip, girdeji ýygymy boýunça kinoälemiň ilkinji ýedi filminiň hataryna girdi. Ondan öňde “Gara Babyr” ($1,33 mlrd) we “Ar alyjylar: Altronyň döwri” ($1,39 mlrd) bar. Iň girdejili filmleriň umumy reýtinginde “Dedpul we Rosomaha” 22-nji orny eýeleýär.
Film R (18+) reýtingli filmleriň arasynda iň girdejilisi boldy we döredijilere uly girdeji getirmegini dowam etdirýär.
Şol bir wagtyň özünde, “Bitljus Bitljus” filmi dünýä prokatynda 264 mln dollar gazandy, şolardan 188 mln dollary ABŞ-nyň paýyna düşýär. Bu görkezijä ýetmek üçin filme bir hepdeden gowrak wagt gerek boldy.
Býujeti 100 mln dollar bolan Tim Býortonyň asyl filminiň dowamy çykdajylary ödemek üçin azyndan 200 mln dollar gazanmalydy. Şeýlelikde, ol döredijilere eýýäm girdeji getirip başlady.
