Microsoft atomlary dolandyrmak esasynda döredilen, dünýäniň iň güýçli kwant superkompýuteriniň işlenip taýýarlanýandygyny yglan etdi. Bu üstünlik Atom Computing bilen köp ýyllyk hyzmatdaşlygyň netijesi bolar.
Taslamanyň özeni adaty kompýuterlerden has çalt we has takyk maglumatlary saklap we gaýtadan işläp bilýän logiki kubitli arhitekturany ornaşdyrmakdyr.
Kwant hasaplamasy maglumatlary ugurdaş gaýtadan işlemäge mümkinçilik berýär, bu bolsa onuň öndürijiligini ep-esli ýokarlandyrýar. Tehnologiýa häzirki zaman kompýuterlerine eýgertmejek meseleleri çözmäge mümkinçilik berer. Geljekde ulanyp boljak ulgamlary: täze materiallary işläp taýýarlamak, lukmançylyk barlaglary, emeli aň we kriptografiýa.
Microsoft iň az ýalňyşlyklar bilen, sekuntda milliondan gowrak kwant amallaryny (rQOPS) ýerine ýetirip bilýän kompýuter döretmegi maksat edinýär. Bu kwant maşynlaryny hakyky programmalarda ulanmak mümkinçiligini açar. Kompaniýa kwant tehnologiýalarynyň täjirleşdirilmegini ýeňilleşdirip, absolýut noldan ýokary temperaturada işleýän durnukly kubitleri döretmekde eýýäm öňegidişlik gazandy.
