Hindistanly režissýor Soham Şah Netflix platformasyny “Kalmar oýny” serialynyň sýužetini onuň 2009-njy ýyldaky filminden ogurlamakda aýyplap, Nýu-Ýork kazyýetine ýüz tutdy. Bu barada kazyýet arzasyna salgylanyp, Bloomberg agentligi ýazýar.
Şah serialyň “Luck” atly hindi dilinde düşürilen filminiň “açyk göçürmesidigini” belleýär.
Arzada Netflix-iň “Luck” filminden esasy sýužeti, gahrymanlary, tematikany, atmosferany, wakalaryň bolup geçýän ýerini we yzygiderliligini alandygy aýdylýar.
Platformanyň wekili bu aýyplamalary esassyz diýip belläp, kompaniýanyň öz önümini kazyýetde goramaga taýýardygyny aýtdy.
“Kalmar oýny” “diri galmak” oýnuna goşulyp, öz maliýe meselelerini çözmäge çalyşýan gahrymanlar barada gürrüň berýän günorta koreý serialydyr.
