Aktýor Jon Leguizamo “Buz eýýamy” (Ледниковый период) animasion franşizasynyň altynjy bölüminiň üstünde işlenilýändigini habar berdi.
“Men muny eşidendigime begenýärin. Biz “Buz eýýamy 6-nyň” üstünde işleýäris” – diýip, Leguizamo NPR radioýaýlymynda aýtdy.
Franşizany Blue Sky-dan satyn alan Disney studiýasy bu habara teswir bermedi.
Multfilmde Leguziamo leniwes Side ses berdi. Ilkinji multfilm 2002-nji ýylda çykdy we mamont Menniniň, gylyç dişli gaplaň Diegonyň we Sidiň taryhdan öňki döwürlerde başdangeçirmeleri barada gürrüň berdi. Gahrymanlar adam çagasyny onuň ýakynlaryna gowşurmak isleýärler.
Şeýle-de, multfilmiň ýene bir belli gahrymany dub gozasyny “kowalap ýören” belka Skretdir. Umumylykda “Buz eýýamy” dünýä prokatynda 3,2 mlrd dollar gazandy. “Buz eýýamy: Uly çaknyşyk” (Ледниковый период: Столкновение неизбежно) atly soňky, bäşinji bölüm 2016-njy ýylda çykdy.
