Stiwen Spilberg Cola we Pepsi kompaniýalarynyň arasyndaky gapma-garşylyk barada täze film “Kola söweşleriniň” (Cola Wars) prodýuseri hökmünde çykyş eder. Bu barada Deadline habar berýär.
Režissýorlyk kürsüsini Jadd Apatou eýelär. Taslama Sony Pictures gözegçilik eder. Sýužet boýunça, 1980-nji ýyllaryň ortalarynda Pepsi dünýäniň iň esasy gazlandyrylan içgisi adyny Coca-Cola-dan almaga synanyşýar we munuň üçin aýdymçy Maýkl Jekson ýaly meşhur şahsyýetleri işe çekýär. Mahabat wideolarynyň biriniň surata düşürilişinde Jekson agyr ýanyk aldy.
Ilkinji gezek taslama şu ýylyň aprel aýynda yglan edildi. Filmiň ssenariýaçylary hökmünde Jeýson Şuman (“Akapulko”) we Ben Kuin (“Ulaglar 3”) çykyş etdi. Filmiň aktýorlar düzümi we çykjak senesi heniz belli däl.
Häzirki wagtda Spilberg UFO bilen bagly film taýýarlaýar.
