Ýaponiýanyň elektronika öndürijisi Panasonic Olimpiýa we Paralimpiýa oýunlaryna hemaýatkärligini bes edýändigini yglan etdi. Çözgüt Halkara Olimpiýa Komiteti (HOK) bilen “giňişleýin maslahatlaşmadan” we hemaýatkärlik işini “dowamly gözden geçirişden” soň kabul edildi diýip, Reuters habar berýär.
Panasonic ilkinji gezek 1987-nji ýylda Olimpiýa oýunlarynyň resmi hyzmatdaşy boldy, 2014-nji ýyldan bolsa hyzmatdaşlygyny Paralimpiýa oýunlaryna çenli giňeltdi.
Maý aýynda Ýaponiýanyň başga bir kompaniýasy Toyota hem Pariždäki Olimpiýa oýunlaryndan soň HOK bilen hemaýatkärlik şertnamasynyň gutarandygyny mälim etdi. Häzirki wagtda Oýunlaryň esasy hemaýatkärleriniň hataryna 15 korporasiýa, şol sanda Coca-Cola, Procter & Gamble we Bridgestone girýär.
Panasonic bu çözgüdiniň anyk sebäplerini görkezmedi, ýöne “kompaniýanyň has giň dolandyryş pikirlerini göz öňünde tutup, hemaýatkärlik işini nähili ösdürmelidigini yzygiderli gözden geçirýändigini” belledi.
