11-nji sentýabrda Türkmenistanyň Türkiýedäki ilçisi Mekan Işangulyýewiň Türkiýäniň daşary işler ministriniň orunbasary Burhanettin Duran bilen duşuşygy geçirildi. Bu barada Ankaradaky türkmen diplomatik wekilhanasynyň metbugat gullugynda habar berdiler.
Duşuşygyň barşynda türkmen-türk gatnaşyklarynyň häzirki ýagdaýyny we geljegini ara alyp maslahatlaşdylar. Ikitaraplaýyn hyzmatdaşlygyň möhüm ugurlary boýunça pikir alyşmalaryň barşynda taraplar syýasy-diplomatik, söwda-ykdysady we medeni-ynsanperwer ulgamlarda gatnaşyklary işjeňleşdirmegi ylalaşdylar.
Taraplar Türkmenistan bilen Türkiýäniň arasynda hyzmatdaşlygyň ösüş depginine kanagatlanma bildirip, ikitaraplaýyn hem-de köptaraplaýyn görnüşde hyzmatdaşlygy mundan beýläk hem berkitmäge gyzyklanmalaryny beýan etdiler.
