HBO köpden bäri garaşylýan “Garri Potter” serialyndaky keşpler üçin isleg bildirýänleri barlap görmäge başlady. Kasting müdiri Garriniň, Ronuň we Germionanyň rollary üçin 9-11 ýaş aralygyndaky çagalary gözleýär diýip, Variety habar berýär.
Ýaş aktýorlaryň Beýik Britaniýada we Irlandiýada ýaşamagy möhümdir. Serialy düşürmek işlerini 2025-nji ýylyň aprel aýynda başlamak meýilleşdirilýär.
HBO kastingiň “ähli jynsdan, jyns aýratynlyklaryndan, milletlerden, etniki toparlardan bolan wekiller” üçin açykdygyny belleýär.
Kastinge gatnaşyjylardan gysga wideoda (90 sekuntdan köp bolmadyk) düşnükli we öz aksenti bilen gowy görýän goşgusyny okamak, özi barada gysgaça gürrüň bermek, maşgala agzasyny, dostuny ýa-da gowy görýän öý haýwanyny suratlandyrmak soralar.
Garri Potter baradaky kitaplara esaslanýan serial 2023-nji ýylda anons edildi. Režissýorlyk işine Mark Maýlod jogap berýär, ssenariýalary Françeska Gardiner ýazýar. Olar “Mirasdüşerler” serialynyň üstündäki işler bilen tanalýandyr.
Premýeranyň 2026-njy ýylda bolmagyna garaşylýar.
