Sony kompaniýasy PlayStation 5 konsolynyň kämilleşdirilen wersiýasyny – PS5 Pro-ny anons etdi.
Täze model oýny “Öndürijilik” režiminde işletmäge gönükdirilen bolup, has kuwwatly grafiki çip, kämilleşdirilen şöhlelendiriş goldawy we maşyn biliminiň esasynda şekiliň ölçegini üýtgetmek tehnologiýasy PSSR bilen üpjün edildi.
PS5 Pro esasy wersiýa bilen deňeşdirilende 67% köp hasaplaýyş bloguna eýe bolan grafiki prosessory aldy, onuň ýady bolsa 28% tizdir. Bu oýun prosesiniň renderingini 45% çaltlaşdyrmaga mümkinçilik berýär.
Sony şöhlelendiriş bolan režimlerde öndürijiligiň üç esse artandygyny, 8,5 müňden gowrak PS4 we PS5 oýunlarynyň bolsa täze wersiýada has gowy işlejekdigini aýdýar.
Konsol VRR bilen 8K-ny goldaýar, Wi-Fi 7 we PS5 Slim-däki ýaly aýrylýan diskowod bilen üpjün edilen. 9 minutlyk tanyşdyrylyşda PS5 Pro-da “Marvel's Spider-Man 2” we “Ratchet & Clank: Rift Apart”oýunlarynyň ýokary öndürijiligi görkezildi.
Konsolyň satuwy 7-nji noýabrda başlar, deslapky sargytlary 26-njy sentýabrdan resmileşdirmek bolar.
PS5 Pro-nyň bahasy 2 TB wersiýasy üçin ABŞ-da 699,99 dollar, Beýik Britaniýada 699,99 funt sterling, Ýewropada 799,99 ýewro bolar.
