Marvel Studios baş keşpde Tom Hollandyň janlandyrmagynda Möý-adam hakynda täze düşüriljek filme Destin Deniel Krettony režissýor edip belledi diýip, The Hollywood Reporter habar berýär.
Ondan öň Möý-adam hakyndaky filmler dürli režissýorlar tarapyndan surata düşürilipdi: Sem Reými Tobi Maguaýr bilen, Mark Uebb bolsa Endrýu Garfild bilen işläpdi.
Öň “Şan-Çi we on ýüzügiň rowaýaty” filmine režissýorlyk eden Kretton, baş keşbi Hollandyň ýerine ýetirmeginde öňki üç filme režissýorlyk eden Jon Uottsdan soň, serialy dowam etdirjek ilkinji režissýor bolar.
Dördünji bölümiň edebi esasyny ýene-de Piter Parkeriň keşbini Hollandyň ýerine ýetirmeginde düşürilen öňki filmlere awtorlyk eden Kris Makkenna bilen Erik Sommers ýazar. Täze filmiň surata düşürilişi, “Ar alyjylar” filminiň iki bölüminiň önümçiligi bilen bir hatarda, 2025-nji ýylyň başynda başlar.
“Möý-adam 4-iň” çykjak takyk senesi entek yglan edilmedi, ýöne filmiň kinoteatrlara 2026-njy ýylyň tomsunda, “Ar alyjylar” filminiň iki täze bölüminiň aralygynda çykmagyna garaşylýar.
