RYA-nyň Kosmos gözlegleri institutynyň we RYA SB-niň Gün-ýer fizika institutynyň Gün astronomiýasy barlaghanasy 10-njy we 11-nji sentýabrda magnit tupanynyň bolmagyny çaklaýar diýip, RBK habar berýär.
Hadysa 10-njy sentýabrda 20:00-dan soň (Aşgabat wagty bilen) başlar we G1 derejesine ýeter. Ýarygijä çenli tupanyň G2 derejesine çenli güýçlenmegine, soňra 11-nji sentýabrda 8:00-a çenli G1 derejesine çenli gowşamagyna garaşylýar. Magnitosfera şol gün 14:00-dan soň durnuklaşar.
Häzirki çaklamalara görä, indiki magnit tupanynyň 26-njy sentýabrda bolmagyna garaşylýar.
Magnit tupanlary Gün partlamalarynyň we Ýere ýetýän plazma zyňyndylarynyň netijesinde ýüze çykýar. Olaryň güýçlüligine G1-den (gowşak) G5-e çenli (has güýçli) şkala boýunça baha berilýär. G2 derejeli tupanlar güýçlüligi boýunça ortaça hasaplanylýar.
Magnit hadysalary howa duýgur adamlaryň özüni duýşuna täsir edip, çakyza, tahikardiýa, ukusyzlyk, basyş bilen bagly näsazlyklar ýaly alamatlary ýüze çykaryp biler.
