Ispaniýaly paleontologlar gadymy dinozawrlaryň göçüş ýollary barada täze maglumatlary berip biljek, zauropod dinozawrynyň täze görnüşini tapdylar. Bu açyş Kuenka şäheriniň golaýynda köp sanly süňk bölekleriniň tapylan ýerinde edildi.
Täze görnüş “Qunkasaura pintiquiniestra” ýa-da kunkazawr diýlip atlandyryldy.
2007-nji ýylda gazuw-agtaryş işleri başlaly bäri Lo Ueko formasiýasynda 12 müňden gowrak galyndy tapyldy. Şolaryň arasynda kunkazawr, gözlegçileriň anatomiýasyny jikme-jik öwrenmäge mümkinçilik berjek, zauropodyň doly süňkli görnüşini öz içine alýan ilkinji açyş boldy.
Täze açyş, zauropodlaryň birnäçe toparynyň mel döwründe Pireneýa ýarym adasynyň sebitlerinde ýaşandygyny, käbirleriniň has günorta sebitlerden göçüp gelendigini tassyklaýar.
Lo Ueko, Ýewropada dürli zauropod galyndylarynyň tapylan esasy paleontologiki meýdançasy bolup galýar. Alymlar bu dinozawrlaryň göçüşleri we ewolýusiýasy barada has giňişleýin maglumat almak üçin gözlegleri dowam etdirmegi meýilleşdirýärler.
