Saud Arabystanynyň Saudi Aramco nebit kompaniýasy Aziýadaky müşderiler üçin nebitiň oktýabr aýyndaky bahasyny arzanlatdy. Bu barada Bloomberg habar berýär.
“Saud Arabystany islegiň peselmegi bilen bagly howatyrlanmalaryň güýçlenýändigi sebäpli indiki aý Aziýa bazary üçin esasy nebit görnüşiniň bahasyny arzanladýar” – diýip, agentlik ýazýar.
Şeýlelikde, Aziýadaky müşderiler üçin Arab Light söwda belgili nebitiniň bahasy 0,7 dollar arzanlady, indi ol Oman/Dubai sebediniň bahasy bilen deňeşdirilende bir barrele 1,3 dollar arzandyr. Analitikler bahanyň barreline 0,85 dollar arzanlamagyna garaşypdylar.
Şol bir wagtyň özünde, Saudi Aramco ähli nebit görnüşleriniň bahasyny Ýewropanyň demirgazyk-günbatar bölegindäki alyjylar üçin, takmynan, 0,8 dollar we Demirgazyk Amerika üçin 0,1 dollar arzanlatdy.
Saudi Aramco Saud Arabystanynyň 1933-nji ýylda esaslandyrylan milli nebitgaz kompaniýasydyr. Kompaniýa öz önümlerini Aziýanyň, Ýewropanyň we Demirgazyk Amerikanyň esasy global energetika bazarlarynda satýar.
