Türkmenistana wekilçilik edýän halkara derejeli sport ussady Maýagözel Ekäýewa Parižde Paralimpiýa oýunlarynda parapauerlifting boýunça ýaryşda 6-njy orny eýeledi. 86 kg-a çenli agram derejesinde 10 türgeniň gatnaşan ýaryşynda Ekäýewa 112 kg agramyň hötdesinden geldi diýip, olympics.com habar berýär.
Bu ýaryşda altyn medaly Braziliýadan Taýana Medeýros (156 kg), kümüş medaly HYtaýdan Feýfeý Jeng, bürünç medaly bolsa Çiliden Alehandre Serrano aldy.
M.Ekäýewa üçin bu ilkinji Paralimpiadasy däl. 2008-nji ýylda Pekinda ol 7-nji orny eýeledi, 2016-njy ýylda Rio-de-Žaneýroda 5-nji boldy. Ol 2010-njy we 2014-nji ýyllardaky Aziýa paralimpiýa oýunlarynyň bürünç medallaryny aldy, 2023-nji ýylda Dubaýda dünýä çempionatynda 5-nji orny eýeledi.
