Starliner kosmos gämisi ekipažsyz Ýere üstünlikli gaýdyp geldi

  • 09.09.2024 00:29
  • 5.4k+
Starliner kosmos gämisi ekipažsyz Ýere üstünlikli gaýdyp geldi

Boeing kompaniýasynyň Starliner kosmos gämisi ekipažsyz yzyna gaýdyp, Nýu-Meksiko amerikan ştatynda üstünlikli gondy. Gonuş ýerli wagt bilen 22:01-de (Aşgabat wagty bilen 09:01, 7-nji sentýabr) boldy diýip, RIA Nowosti habar berýär.

Gämi ABŞ-nyň Gündogar kenarynyň wagty bilen 18:04-de (Aşgabat wagty bilen 03:04) Halkara kosmos stansiýasyndan aýryldy, onuň Ýere gaýdyp gelmegi alty sagat töweregi wagt aldy.
NASA bilen şertnama esasynda Boeing kompaniýasy tarapyndan döredilen Starliner 5-nji iýunda NASA-nyň astronawtlary Barri Uilmor we Sunita Uilýams bilen ilkinji uçarmanly uçuşa ugrady. Synag missiýasy bir hepde töweregi dowam eder diýlip meýilleşdirilipdi, ýöne stansiýa bilen sepleşme wagty gäminiň hereketlendirijisinde ýüze çykarylan näsazlyklar sebäpli missiýa uzaldylmaly boldy. 
Hünärmenlere bu näsazlyklary aradan aýyrmak başartmady, şol sebäpli Starliner Ýere ekipažsyz gaýdyp geler diýlen netijä gelindi. Indi astronawtlar geljek ýylyň fewral aýyna çenli HKS-de galar we SpaceX kompaniýasynyň Crew Dragon gämisinde yzyna geler diýlip meýilleşdirilýär.

Alymlar 13-14-nji sentýabrda magnit hadysalarynyň bolmagyny çaklaýarlar
düýn 13:03
3.4k+

Alymlar 13-14-nji sentýabrda magnit hadysalarynyň bolmagyny çaklaýarlar

13-14-nji sentýabrda Ýer ýüzünde G2–G3 derejesindäki (bäş derejeli şkalada ikinji we üçünji dereje) magnit tupanlarynyň bolmagyna garaşylýar. Bu barada Russiýanyň Ylymlar akademiýasynyň Kosmos barlaglary institutynyň Gün astronomiýasy laboratoriýasy hem-de Gün–Ýer fizikasynyň Sibir bölüminiň institutynda habar berildi...

Kosmosdan dünýäniň iň beýik dag derýasynyň ugrunyň nähili üýtgändigini görkezdiler
07.09.2025 19:15
10k+

Kosmosdan dünýäniň iň beýik dag derýasynyň ugrunyň nähili üýtgändigini görkezdiler

Tibetdäki Ýarlung Zangbo derýasy ortaça 4000 metr belentlikden akýar, bu bolsa ony dünýäniň iň beýik derýasyna öwürýär. Ýol ugrunda ol 6000 metrden gowrak çuňlukdan - Arizonadaky Uly kanýondan üç esse diýen ýaly uly, planetanyň iň çuň gurak kanýonyndan akyp geçýär...

Ýeri G2-G3 derejeli magnit tupanlary gurşap aldy. Olar azyndan bir gün dowam eder
02.09.2025 16:30
5.5k+

Ýeri G2-G3 derejeli magnit tupanlary gurşap aldy. Olar azyndan bir gün dowam eder

Ýerde 2-nji sentýabra geçilen gije magnit tupanlary başlady. Olar azyndan bir gün dowam eder diýip, RYA-nyň Kosmos gözlegleri institutynyň we Gün-Ýer fizikasy institutynyň Gün astronomiýasy barlaghanasynyň metbugat gullugy habar berýär...

Aý Günüň golaýyndan geçdi: teleskoplar Gün tutulmasyna taýýarlygy düşürip ýetişdiler
25.08.2025 13:42
11k+

Aý Günüň golaýyndan geçdi: teleskoplar Gün tutulmasyna taýýarlygy düşürip ýetişdiler

23-nji awgustda Aý Günüň ýanyndan geçdi. Bu hadysany GOES-19 kosmos apparatyna ornaşdyrylan SUVI Gün teleskoplary ýazga aldy. Suratlar we wideo ýazgylar Aşgabat wagty bilen irden sagat 10 töwereginde, astronomik täze Aý döwründen takmynan bir sagat öň düşürildi...