BMW nemes awtoulag öndürijisi awtoulaglara göz açyp-ýumasy salymda reňkini üýtgetmäge mümkinçilik berýän E Ink tehnologiýasyny ornaşdyrmagyň üstünde işjeň işleýär. Şeýle tehnologiýaly ilkinji awtoulaglar 2027-nji ýylda peýda bolup biler diýip, Carbuzz habar berýär.
BMW ilkinji gezek E Ink tehnologiýasyny CES 2022-de BMW iX konsept-karynda görkezdi, şol ýerde awtoulag dessine akdan gara reňkde öwrüldi. Ondan bäri tehnologiýa kämilleşip, BMW Art Car-da we i Vision Dee-de ulanyldy.
E Ink tehnologiýasynyň birnäçe artykmaçlygy bar: adaty reňkleýji ussahanalara zerurlyk bolmaz, bu bolsa zyýanly maddalaryň zyňyndylaryny azaldar. Mundan başga-da, müşderiler adaty rekler bilen çäklenmän, öz awtoulaglary üçin islendik reňki saýlap bilerler.
BMW-niň E Ink ugry boýunça innowasiýalara jogapkär inženeri, doktor Stella Klark tehnologiýanyň ýakyn ýyllarda önümçilige berilmäge taýýardygyny tassyklady.
"Biziň arzuwymyz, awtoulag zawodynda indi adaty reňkleýji bölümleriň bolmazlygyny üpjün etmek" – diýip, ol belledi.
E Ink-li awtoulaglar başda gymmat bolsa-da, wagtyň geçmegi bilen bahasy peselip başlar we bu tehnologiýa alyjylaryň has giň toparyna elýeterli bolar.
