Nissan has uly, has güýçli we tehnologiki taýdan has ösen üç hatarly Armada 2025 awtoulagyny hödürledi diýip, Motor1 habar berýär.
Bu model täzelenen dizaýn, ýokary tehnologiýaly interýer we täze hereketlendiriji aldy.
Armada 2025, Infiniti QX80-den alnan 3,5 litrlik goşa turbo V6 we doly priwodly 9 basgançakly awtomatiki geçiriji korobkasy bilen enjamlaşdyrylandyr. Hereketlendiriji 700 Nm aýlanma pursadyny we 425 at güýjüni öndürýär.
Ýolsuz ýerlerde sürmek üçin döredilen Pro-4X wersiýasyna 20 dýuýmlyk şinalar, pnewmatiki podweska, demir plastinasy we petiklenýän elektron arka differensial goşulandyr. Ozal diňe Ýakyn Gündogarda Nissan Patrol üçin elýeterli bolan bu differensial indi ABŞ-da hem bar.
Iň ýokary Platinum Reserve wersiýasy aýratyn 22 dýuýmlyk tekerleri, pnewmatiki podweskasy, zolak görnüşindäki yzky LED çyralary, sürüjiniň we ýolagçylaryň massažly oturgyçlary we proýeksion displeýi bilen tapawutlanýar.
Armada-nyň interýerinde goşa 12.3 dýuýmlyk ekran we adaty simsiz Apple CarPlay we Android Auto bar.
Nissan Armada 2025 hereket zolagyndan çykylanda kömek ulgamyny, awtomatiki uzakdaky çyrany, kör zolaklara gözegçilik ulgamyny we ş. m. öz içine alýan güýçlendirilen howpsuzlyk aýratynlyklaryna eýedir.
Täze önümiň bahasy entek aýan edilmedi.
