Keniýanyň paýtagty Naýrobide Gündogar Afrikada ilkinji robot ofisiantly kafe açyldy. Robot Cafe adyny alan bu ýer, aýratynam, çagaly maşgalalaryň arasynda meşhurlyk gazanyp ýetişdi diýip, TASS habar berýär.
Robotly kafe döretmek pikiri syýahat tejribesinden ruhlanyp, Naýrobiniň restoran senagatyna täzelik girizmek kararyna gelen esaslandyryjy Mohammed Abbasa degişli.
Robot Cafe-niň menýusyna alkogolsyz halal iýmit girýär, bu hem ony ähli dindäki müşderiler üçin elýeterli edýär. Kafede dört robot ofisiant işleýär. Robotlar sargytlary degişli adamlara eltip berýärler, ýöne sargytlary kabul etmek we myhmanlar bilen gürleşmek işine adaty ofisiantlar jogap berýär.
“Robotlar hiç haçan hakyky ofisiantlaryň ornuny tutmaz, sebäbi olar myhmanlary hakyky adamlar ýaly garşylap bilmezler” – diýip, kafeniň dolandyryjysy Jon Kariuki belleýär.
Robot Cafe Afrikada şeýle görnüşli ýeke-täk kafe däl. Ilkinji robokafe Nigeriýada peýda boldy, soňra Günorta Sudanda açyldy. Naýrobide ýene birnäçe şeýle kafeni açmak meýilleşdirilýär.
Şol bir wagtyň özünde, Kariuki robotlaryň Tailandda satyn alnandygyny we olaryň her biriniň bahasynyň iki ofisiantyň ýylda alýan zähmet hakyna deňdigini aýtdy.
