Özüniň gotiki we fantastiki filmleri bilen tanalýan režissýor Tim Býorton Golliwuddaky “Şöhrat alleýasynda” köpden bäri garaşylan ýyldyzy aldy. Bu barada Film.ru habar berýär.
Ýyldyzyň gowşurylyş dabarasynda Býortony aktrisa Monika Belluççi, şeýle-de Waýnona Raýder, Maýkl Kiton we Denni DeWito ýaly ýakyn dostlary we kärdeşleri goldady.
Býorton karýerasyna 1985-nji ýylda başlap, kino muşdaklaryna “Edward gaýçy elleri”, “Çarli we şokolad fabrikasy”, “Suini Todd”, “Ukuly jülge” ýaly meşhur filmleri sowgat etdi.
Şu ýyl režissýor 1988-nji ýyldaky mistiki komediýanyň uzak garaşylan dowamy “Bitljus Bitljus” bilen uly ekrana gaýdyp geldi. Filmde Raýderden we Kitondan başga-da, Jenna Ortega, Uillem Defo we Ketrin O’Hara surata düşdi. “Bitljus Bitljusyň” premýerasy Wenesiýa kinofestiwalynda boldy we ol tankytçylardan oňyn seslenmeleri aldy.
