Italiýanyň “Napoli” toparynda çykyş eden nigeriýaly hüjümçi Wiktor Osimhen resmi taýdan Stambulyň “Galatasaraýynyň” oýunçysy boldy. Türkiýäniň çempionlary hüjümçiniň 2024/25 möwsüminiň ahyryna çenli kärendesine alnandygyny tassykladylar diýip, Daily Sports habar berýär.
“Osimhen we “Napoli” kluby bilen kärendesine almak barada ylalaşyk gazanyldy. Futbolçy 2024/25 möwsüminde alty million ýewro gazanar” – diýlip, türk klubunyň habarynda aýdylýar.
Futbolçy Stambul klubunyň düzüminde 45-nji belgi bilen çykyş eder. Şertnamada “Galatasaraý” üçin satyn alyş mümkinçiligi göz öňünde tutulmaýar, ýöne kluby, eger 2025-nji ýylyň gyşynda öňdebaryjy on klubuň birinden teklip gelse, Osimheni goýbermäge borçlandyrýan şert girizildi.
“Napolide” geçiren dört möwsüminde Osimhen 133 oýunda 76 gol geçirip, 2022/23 möwsüminde Seriýa A-da iň gowy bombardir boldy – şol möwsüm “Napoli” çempionatda ýeňiji boldy.
Tomusda “Galatasaraý” Çempionlar ligasynyň kwalifikasiýasyny geçip bilmedi, şonuň üçin Ýewropa ligasynyň esasy tapgyrynda oýnar.
