Arkadag şäheri «akylly» şäherleriň halkara sergisinde 3 sany baýrak aldy

  • 05.09.2024 14:42
  • 12k+
Arkadag şäheri «akylly» şäherleriň halkara sergisinde 3 sany baýrak aldy

Arkadag şäheri «2024 World Smart City Expo» atly «akylly» şäherleriň halkara sergisinde birbada üç sany baýraga mynasyp boldy. Bu barada 4-nji sentýabrda Koreýa Respublikasynyň Goýang şäherinde geçirilýän serginiň baýrak gowşuryş dabarasynda yglan edildi.

Baýraklar sergä gatnaşyjylaryň arasynda aýry ugurlar boýunça has tapawutlanan şäherlere hem-de kompaniýalara gowşuryldy.
Hususan-da, Arkadag şäheri şu baýraklary aldy:

  • Iň tapawutlanan «akylly» şäher (Smart City Excellence Award);
  • Daşary ýurt «akylly» şäheri (Foreign city award);
  • «World Smart City Expo 2024»  halkara sergisine goşan uly goşandy üçin (WSCE 2024 Contribution Award)

Baýrak gowşurylyş dabarasynda türkmen wekiliýetiniň ýolbaşçysy Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow hoşallyk sözi bilen çykyş etdi diýip, "Türkmenistan: Altyn asyr" elektron neşiri habar berýär.

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar
düýn 16:43
4.6k+

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar

6-njy sentýabrda Aşgabatda Türkmenistanyň Adalat ministrliginiň binasynda hukuk meseleleri boýunça raýatlaryň jemgyýetçilik kabul edişligi geçiriler. Bu barada «Neýtralnyý Türkmenistan» gazeti habar berýär. Jemgyýetçilik kabul edişligine Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasy gatnaşar...

Türkmenistanyň Prezidenti Moldowany Garaşsyzlyk güni bilen gutlady
düýn 16:22
3.6k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...

Serdar Berdimuhamedow Monakonyň Şazadasyny diplomatik gatnaşyklaryň ýola goýulmagynyň 10 ýyllygy bilen gutlady
düýn 16:18
2.4k+

Serdar Berdimuhamedow Monakonyň Şazadasyny diplomatik gatnaşyklaryň ýola goýulmagynyň 10 ýyllygy bilen gutlady

Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Monako Knýazlygynyň Şazadasy Alber II we ýurduň ähli halkyna Türkmenistan bilen Monako Knýazlygynyň arasynda diplomatik gatnaşyklaryň ýola goýulmagynyň 10 ýyllygy mynasybetli tüýs ýürekden gutlaglaryny we iň gowy arzuwlaryny iberdi...

Aşgabatda Pakistanyň DIM-niň wekiliýeti bilen duşuşyklar geçirildi
26.08.2025 15:19
1.5k+

Aşgabatda Pakistanyň DIM-niň wekiliýeti bilen duşuşyklar geçirildi

25-nji awgustda Türkmenistanyň daşary işler ministri Raşid Meredow bilen Günbatar Aziýa ýurtlary we Owganystan boýunça Pakistanyň DIM-niň Goşmaça sekretary Saýed Ali Asad Gillaniniň arasynda duşuşyk geçirildi.  Türkmenistanyň DIM-niň habar bermegine görä, duşuşygyň dowamynda taraplar iki ýurduň özara gyzyklanma bildirýän ugurlardaky hyzmatdaşlygyny ara alyp maslahatlaşdylar...