Tomusky transfer penjiresi dürli ýurtlardan klublaryň arasynda futbolçy transferleriniň sany boýunça rekord derejeli boldy. Bu barada Halkara Futbol Federasiýasynyň (FIFA) saýtyndaky hasabata salgylanyp, RIA Nowosti habar berýär.
Häzirki wagtda amala aşyrylan transferleriň sany 10,9 müňden geçýär. Erkekleriň futbolynda transferleriň umumy mukdary 6,4 mlrd dollar boldy we bu taryhda ikinji görkezijidir.
Iň köp transfer Angliýanyň klublarynyň arasynda hasaba alyndy, olar 526 oýunçy satyn aldylar (1,69 mlrd) we 523 oýunçy satdylar (1,25 mlrd). Bu görkezijileriň dördüsi-de şu tomus dünýäde iň ýokary görkezijiler boldy.
Oýunçylara çykdajy etmek boýunça iňlis klublarynyň yzyndan italýan klublary (825 mln), soň Fransiýa (697 mln) gelýär. Satuwdan gazanylan girdeji boýunça ikinji orny fransuz klublary (756 mln), üçünji orny ispan klublary (556 mln) eýeledi.
