Bentley özüniň flagman sedany Flying Spur-yň täze görnüşiniň premýerasyna taýýarlanýar. Onuň tanyşdyrylyşy 10-njy sentýabrda geçiriler diýip, “Çempionat” ýazýar.
Kompaniýa bu awtomobiliň Bentley-iň 105 ýyllyk taryhynda iň kuwwatly, dinamiki we netijeli 4 gapyly awtomobil boljakdygyna wada berýär.
Täze awtoulagyň esasy aýratynlygy 575 kWt (782 at güýji) kuwwaty berýän täze Ultra Performance Hybrid hereketlendirijisi bolar. Güýç gurluşy 4 litrlik goşa turboly V8 hereketlendirijisine esaslanýar, ol eýýäm häzirki wagtda Bentley-iň iň kuwwatly ýol awtomobili bolan dördünji nesil Continental GT Speed-de özüni gowy tarapdan görkezip ýetişdi.
Gibrid hereketlendirijili täze Flying Spur hem Continental GT Speed ýaly haýran galdyryjy aýatynlyklara eýe bolar: 3,2 sekuntda tizligini sagatda 100 km çenli artdyrar, iň ýokary tizligi sagatda 335 km bolar.
Flying Spur-yň öňki nesilleri Bentley-iň iýul aýynda ýüz öwren 6 litrlik goşa turboly W12 hereketlendirijisi bilen üpjün edilipdi.
