Azerbaýjanyň Towuz şäherinden "Turan" futbol kluby Gurban Berdiýewiň ýolbaşçylygyndaky birinji möwsümde Premýer-ligada haýran galdyryjy netijeleri görkezýär. Klub möwsümiň ilkinji bäş oýnunda derwezesinden ýeke gezek hem gol geçirtmedi diýip, Oxu.Az habar berýär.
Topar möwsümiň başynda diňe "Neftçi" bilen duşuşykda utuk ýitirdi (0:0), emma soň "Sumgaýyt", "Karabah", "Sabail" we "Kýapaz" klublaryndan gazanan ynamly ýeňşi onuň çempionatda liderligini berkitdi.
Bu netije azerbaýjan ligasynyň 32 ýyllyk taryhynyň dowamynda ýedinji gezek gaýtalandy. "Turandan" öň, möwsümiň başlangyç bäş oýnunda derwezesine top geçirtmän saklap bilen klublar - «Inşaatçy», «Hazri», «Dinamo» (soň «Baku»), «Gabala» we «Hazar Lýankarana» (iki gezek).
Baş tapgyrdan soň, "Turan" ýaryş jedwelinde 13 utuk bilen birinji orny eýeläp gelýär. Onüň yzyndan 10 utuk bilen "Sabah" gelýär. "Karabah" 9 utuk we bir oýun ätiýajy bilen üçünji ýerde ýerleşýär.
UEFA Milletler ligasynda Azerbaýjanyň ýygyndysynyň duşuşygy bilen bagly klublar bir hepdelik arakesmä çykýar. Şondan soň, Gurban Berdiýewiň şägirtleri "Sabah" bilen duşuşarlar. Bu hem klub üçin möhüm synaglaryň biri bolar.
