“Ferrariniň” ýaryşa gatnaşyjysy Şarl Lekler Monsa awtodromynda geçirilen “Formula-1-iň” Italiýanyň Gran-prisi tapgyrynda ýeňiş gazandy.
Lekler ýekşenbe güni geçen ýaryşyň 53 aýlawynyň jemi boýunça 1 sagat 14 minut 40,727 sekunt netijäni görkezdi.
Ikinji we üçünji orunlary “Maklareniň” sürüjileri eýeledi – awstraliýaly Oskar Piastri (+2,644 sekunt) we britaniýaly Lando Norris (+6,153). “Formula-1-iň” häzirki çempiony, “Red Bulldan” niderlandly Maks Werstappen pellehana altynjy bolup geldi (+37,932). Dördünji orny “Ferrariden” ispaniýaly Karlos Saýns eýeledi (+15,621). “Mersedesden” britaniýaly Lýuis Hemilton bolsa bäşinji boldy (+22,820).
Sanawyň yzyny dowam etdirýärler:
7. Jorj Rassel, Beýik Britaniýa, “Mersedes” (+39,715); 8. Serhio Peres, Meksika, “Red Bull” (+54,148); 9. Aleksander Albon, Tailand, “Uilýams” (+1.07,456); 10. Kewin Magnussen, Daniýa, “Hass” (+1.08,302).
Lekler “Formula-1” tapgyrlarynda ýedinji ýeňşini gazandy we Monsada ikinji ýaryşyň ýeňijisi boldy.
