2025-nji ýylda Bangkokda Porsche Design Tower binasynyň gurluşygy başlar. Taslamada 22 sany kaşaň otag göz öňünde tutulýar, binadaky 1 inedördül metriň bahasy bolsa 29,52 müň dollardan başlaýar. Bu hem binany ýurtda iň gymmat kondominiuma öwürýär diýip, Designboom-a salgylanyp, RBK habar berýär.
Porsche Design Tower Germaniýanyň Porsche awtomobil ägirdi bilen ýerli jaý gurluşykçysy Ananda Development-iň bilelikdäki taslamasydyr. Toplumda iki gatly we dört gatly otaglar meýilleşdirilýär. Taslama görä, otaglaryň meýdany 525 inedördül metrden 1,13 müň inedördül metre çenli bolar, olaryň bahasy bolsa 15,49 mln dollardan 41,33 mln dollar aralygynda üýtgär.
Gökdirän binanyň gurluşygyny 2028-nji ýylyň ahyryna çenli tamamlamak meýilleşdirilýär.
