Ilon Maskyň X kompaniýasy işgärlere Kaliforniýa ştatynyň San-Fransisko şäherindäki ştab-kwartirasynyň anna güni, 13-nji sentýabrda ýapyljakdygyny habar berdi. Muny kompaniýadaky çeşmä salgylanyp, Fortune žurnaly habar berýär diýip, TASS belleýär.
Bir gün öň X işgärlere San-Fransiskodaky ştab-kwartiranyň ýapyljak senesini – 2024-nji ýylyň 13-nji sentýabryny görkezýän gysgaça habary ýollady. Žurnalyň bellemegine görä, ofis işgärleri kompaniýanyň San-Hosedäki we Palo-Altodaky bölümlerine geçirilmeli. Kompaniýanyň täze ştab-kwartirasynyň nirede ýerleşjekdigi heniz belli däl. Fortune onuň Tehasda açylyp biljekdigini belleýär.
Awgust aýynda The Washington Post gazetiniň habar berşi ýaly, şeýle çözgüt “Twitter” ady X diýlip üýtgedilenden soň, San-Fransiskodaky ofis işgärleriniň bir böleginiň işden çykmagy, galan işgärleriň köpüsiniň bolsa koronawirus pandemiýasy döwründen bäri onlaýn görnüşde işlemegini dowam etdirmegi bilen baglanyşykly bolup biler.
