Aktrisa Sigurni Uiwer Wenesiýa kinofestiwalynda hormatly “Altyn ýolbars” baýragyny aldy.
Sylaglama dabarasy çäräniň açylyş wagty geçirildi. “Keseki” (“Чужой”) filminiň ýyldyzy baýragy kino sungatynyň öňünde bitiren hyzmatlary üçin aldy. Ol bu baýraga mynasyp bolan üçünji amerikaly aktrisa boldy.
“Kinematografa goşan goşandym üçin “Altyn ýolbarsy” almak meniň üçin uly hormat. Bu baýrak aýratyn bir zat bolup, ony köp ýyllaryň dowamynda işleşen ähli režissýorlarym we kärdeşlerim bilen paýlaşýaryn. Men bu filmleri durmuşa geçirmäge kömek edenleriň hemmesine minnetdarlygyň nyşany hökmünde bu baýragy uly buýsanç bilen kabul edýärin” – diýip, Uiwer belledi.
Baýragyň gowşurylyş dabarasynda beren interwýusynda aktrisa Ýel uniwersitetinde aktýorlyk ugruny okaýarka, mugallymlaryň oňa zehininiň ýokdugy sebäpli diňe komediýa filmlerinde oýnamalydygyny aýdandyklaryny ýatlady.
Karýerasynyň dowamynda Sigurni Uiwer köp filmlerde we teleşoularda oýnady. Onuň üstünlikli düşen esasy franşizalary “Keseki”, “Awatar” we “Arwah awçylary” (“Охотники за привидениями”) boldy.
