Hyundai kompaniýasy Creta modeliniň uzaldylan görnüşi bolan täzelenen Alcazar krossowerini görkezdi. Täze modeliň mahabat kampaniýasynda Bolliwudyň ýyldyzy Şah Ruh Han çykyş etdi.
Awtoulag täze Hyundai Santa Fe stilinden ylham alyp, daşky görnüşinde düýpli üýtgeşmeler aldy. Öň tarapky böleginde täzelenen optika, bamper we radiator paneli peýda boldy. Yzky bölegi hem ownuk üýtgeşmeler aldy, tekerleri bolsa 17-18 dýuým ululykda täze dizaýna eýe boldy.
Alcazar-yň salony 10,25 dýuýmlyk iki displeýli ekran panelini öz içine alýan häzirki zaman dizaýnyny aldy. Oturgyçlar ulaldylan kellegoýarlar bilen has amatly boldy, ikinji hatarda bolsa simsiz zarýad beriji we howa çalşygy peýda boldy.
Sürüji üçin öňdäki oturgyçlarda pozisiýa ýatly tokly sazlaýjylar göz öňünde tutulypdyr. Beýleki opsiýalardan - panoramly üçegi, goşa zolakly howa gözgçiligini, adaptasiýaly kruiz gözegçiligi we sürüjä kömek ulgamlaryny görkezmek bolar. Hyundai Alcazar 6 we 7 orunlyk wersiýalarda bolup bilýär.
Hereketlendirijileriň setiri iki sany 1,5 litrlik: 115 at güýji bolan dizelli we kuwwaty 160 at güýji bolan benzinli motory öz içine alýar. Hereketlendirijiler el bilen geçiriş robot geçirişli ýa-da 6 tizlikli awtomatiki geçiriş bilen jübütlenendir. Krossowerde tigirleri doly hereketlendiriji ýok.
Krossower Hindistanda 9-njy sentýabrda satylyp başlanar.
