NASA 7-nji sentýabrda Boeing Starliner-i Ýere yzyna ekipažsyz gaýtarar

  • 31.08.2024 13:26
  • 4.3k+
NASA 7-nji sentýabrda Boeing Starliner-i Ýere yzyna ekipažsyz gaýtarar

NASA Boeing Starliner kosmos gämisiniň Ýere yzyna gaýtaryljak senesini yglan etdi. Iýun aýynda Halkara kosmos stansiýasyna iberilen gämi missiýanyň dowamynda ýüze çykan birnäçe tehniki näsazlyklardan soň uçarmansyz gaýdyp geler.

Starliner 6-njy sentýabrda Gündogar Ýewropa wagty bilen 18:04-de (Aşgabat wagty bilen 21:04) HKS-den aýrylar we ertesi gün sagat 12:03-de (Aşgabat wagty bilen 15:03) Nýu-Meksikodaky Uaýt-Sends-Speýs duralgasyna gonar.
Missiýanyň çäklerinde ilkibaşda NASA-nyň astronawtlary Butç Uilmor we Suni Uilýams Ýere Starliner-iň bortunda gaýdyp geler diýlip meýilleşdirilipdi. Ýöne tehniki näsazlyklar ýüze çykarylandan soň, NASA astronawtlaryň howpsuzlygy üçin gämini ekipažsyz yzyna gaýtarmak kararyna geldi.
Ýerdäki toparlar Starliner-iň aşak düşüşini uzak aralykdan gözegçilikde saklarlar. Ýere düşenden soň gämi mundan beýläkki seljermeler üçin Floridada ýerleşýän Kennedi kosmos merkezindäki Boeing Starliner zawodyna äkidiler.
Uilmor bilen Uilýams 2025-nji ýylyň fewral aýyna çenli orbital toplumyň bortunda galar we NASA Crew-9 missiýasy bilen gaýdyp geler.

Hytaý kosmos bilen Ýeriň arasynda maglumat alyşmakda täze rekord goýdy: sekuntda 120 gigabit
şu gün 09:06
1.3k+

Hytaý kosmos bilen Ýeriň arasynda maglumat alyşmakda täze rekord goýdy: sekuntda 120 gigabit

Hytaýly hünärmenler kosmos bilen Ýeriň arasynda lazer şöhlesi arkaly maglumat geçirmek boýunça nobatdaky synagy üstünlikli tamamladylar. Hytaýyň Ylymlar akademiýasynyň Aerokosmos maglumatlary instituty (AIR) maglumat geçirmegiň tizliginiň sekuntda 120 gigabite (Gbps) ýetendigini mälim etdi...

Üns hem beremzok: älem Ýere her gün tonnalap asman jisimlerini «sepeleýär»
şu gün 07:37
3k+

Üns hem beremzok: älem Ýere her gün tonnalap asman jisimlerini «sepeleýär»

Her gün Ýere tonnalarça kosmos tozany — kometalaryň, asteroidleriň we Gün ulgamynyň gadymy materiallarynyň ownujak galyndylary «dökülýär». Alymlaryň çaklamalaryna görä, atmosfera her gün şeýle tozanyň 40–100 tonnasy ýaýraýar, şonuň 14–60 tonnasy bolsa Ýeriň üstüne çökýär...

Ýupiter «garnyny çekdi»: iň uly planeta ozal hasaplanyşyndan kiçi bolup çykdy
düýn 02:03
2.4k+

Ýupiter «garnyny çekdi»: iň uly planeta ozal hasaplanyşyndan kiçi bolup çykdy

Gün ulgamynyň iň uly planetasy bolan Ýupiter soňky 50 ýylyň dowamynda kabul edilen ölçeglerinden birneme kiçi we polýuslarda has gysby bolup çykdy. Bu netijä Ysraýylyň Weýsman ylmy instituty tarapyndan ýolbaşçylyk edilýän halkara alymlar topary NASA-nyň Juno zondundan alnan maglumatlary seljermek arkaly geldiler...

50 ýyl garaşyldy, ýene bir aý sabyr ediň: Aýa ekipažly uçuş eglenýär
04.02.2026 16:02
4.8k+

50 ýyl garaşyldy, ýene bir aý sabyr ediň: Aýa ekipažly uçuş eglenýär

NASA agentligi Aýa ekipažly Artemis II missiýasynyň uçuş wagtyny fewral aýyndan mart aýyna geçirdi. Bu barada agentligiň ýolbaşçysy Jared Aýzekman uçuşyň baş taýýarlyk işleriniň netijeleri boýunça habar berdi. «Şu gün uçuşyň baş taýýarlyk işleri tamamlandy we biz fewraldaky uçuşy marta geçirýäris...