Ford kompaniýasy 2025-nji model ýylynyň täzelenen Bronco Sport-ny hödürledi. Awtoulag bitekiz ýollarda geçijiligi üpjün etmäge we funksiýalarynyň giňeldilmegine gönükdirilen birnäçe kämilleşmeleri aldy diýip, CarScoops habar berdi.
Esasy täzelik - Outer Banks we Badlands komplektasiýalarynda bar bolan Sasquatch bukjasy. Oňa 29 dýuýmlyk Goodyear Territory All-Terrain tekerleri, polat bamperler, goşmaça gorag we çekiji çeňňekler girýär.
Mundan başga-da, 2025 Bronco Sport modelleriniň ählisi uly ekranlar, giňeldilen ADAS funksiýalar toplumy we adaty doly hereketli tigirleriň üstüni ýetirýän täze Off-Road GOAT režimi bilen gelýär.
Mehaniki taýdan 1,5 litrlik hereketlendijili Bronco Sport Outer Banks Sasquatch goşa ssepleniýaly yzky hereketli tigirleri we yzky differensialyň blokirowkasyny aldy, öň bu diňe 2,0 litrlik Badlands komplektasiýasynda bardy.
Şeýle hem Badlands ýerden beýikligini 10 mm ýokarlandyrýan täze puržinleri aldy, Sasquatch bukjasynyň bolsa yzky asma podweskany ýokarlandyrýan yzky Bilstein amortizatorlary bilen üsti ýetirilen.
Badlands we Sasquatch komplektasiýalarynda indi awtoulagyň bitekiz ýolda işleýşini optimallaşdyrýan täze Rally GOAT sürüş režimi bar.
Ford täzelenen Bronco Sport 2025 -iň bahasyny mälim etmedi.
