Mýunheniň “Bwariýasynyň” hüjümçisi Harri Keýn geçen möwsümiň jemi boýunça Ýewropa çempionatlarynyň arasynda iň gowy bombardir bolup, “Altyn butsy” baýragyny aldy. Angliýaly oýunçynyň hasabynda Bundesliganyň çäklerinde 36 gol bar.
Ýatlap geçsek, 31 ýaşly Keýn Mýunheniň “Bwariýasyna” 2023-nji ýylyň awgust aýynda Londonyň “Tottenheminden” geçdi. Transferiň bahasy 95 mln ýewro boldy. 2023/2024 möwsüminde hüjümçi ähli ýaryşlarda nemes kluby üçin 45 oýna gatnaşyp, 44 gol we 12 netijeli geçirim bilen tapawutlandy.
Geçen kampaniýanyň jemi boýunça “Bawariýa” ýekeje-de kubok gazanmady. Angliýanyň milli ýygyndysynyň düzüminde Harri Keýn Ýewropa çempionaty – 2024-üň finalyna çykdy. Bu oýunda Ispaniýanyň milli topary ýeňiş gazandy.
