Jon Jons bilen Stipe Mioçiçiň arasyndaky söweş UFC 309 ýaryşynyň esasy wakasy bolar. Bu barada promouşeniň metbugat gullugy habar berýär.
Söweş 2024-nji ýylyň 16-njy noýabrynda Nýu-Ýorkuň “Medison Skwer Garden” arenasynda geçiriler.
Jons soňky söweşini 2023-nji ýylyň mart aýynda UFC 285 ýaryşynda Siril Gana garşy geçirdi. Birinji raundda saklanan söweşde Jon sabmişn bilen ýeňiş gazanyp, agyr agram derejesinde UFC-niň çempion guşagyny eýeledi. Onuň hasabynda 27 ýeňiş we bir ýeňliş bar.
Mioçiç soňky gezek 2021-nji ýylyň mart aýynda UFC 260-da Frensis Ngannu bilen oktagona çykdy. Söweş ikinji raundda Stipeniň nokaut arkaly ýeňilmegi bilen tamamlandy. Onuň hasabynda 20 ýeňiş we dört ýeňliş bar.
