Neuralink bir aý öň implant oturdylan ikinji hassasynyň üstünlikleri barada habar beripdi. Oňurga ýiliginiň şikesi bolan Aleks atly hassa täze enjamy ulanmaga çalt uýgunlaşmagy başardy.
Aleksiň çip kompýutere birikdirilenden soň bäş minudyň içinde pikir güýji bilen kursory dolandyrmagy başarandygy bellenip geçilýär. Ol soňky birnäçe sagadyň dowamynda beýleki kömekçi tehnologiýalaryň arasynda iň gowy tizlik we takyklyk netijelerini görkezip, Webgrid synagyndan üstünlikli geçdi.
Mundan başga-da, Aleks Fusion 360 programmasynda Neuralink zarýad beriji enjamynyň berkidijisiniň 3D modelini döretdi. Soňra bolsa, ol 3D printerde çap edildi.
Şeýle hem, Neuralink Aleksiň çipi wideo oýunlary üçin ulanyp başlandygyny aýtdy. Ol çipiň we Quadstick kontrolleriniň işini utgaşdyryp, Counter-Strike 2-ni oýnamagy öwrendi. Çip oňa bir wagtyň özünde kartada aýlanmaga we nyşana almaga mümkinçilik berýär. Ozal munuň üçin ol agyzda saklanýan ýörite Quadstick kontrollerini ulanmaly bolýardy.
Neuralink gözlegçileri, Aleks bilen işleşmäge dowam edip, neýrointerfeýsiniň ulanylyşyny giňeldýärler.
