Suonsidäki (Uels) gurluşyk jemgyýetiniň işgärleri geçmişden 1903-nji ýylyň 23-nji awgusty bilen senelenýän garaşylmadyk haty aldylar. Bu barada Sky News habar berýär.
Suratkeş Edwin Genri Landsiriň suratyny şekillendirýän gadymy hat Lidiýa Dewis diýen biriniň salgysyna ýazylyp, Ewart tarapyndan gol çekilipdir. Ol hatda ýerine ýetirilmedik haýyş üçin gynanç bildirip, Lidiýanyň saglygy bilen gyzyklanypdyr, şeýle-de hanym Gilberte we Jona salam iberipdir.
Hat Pembrukşirdäki Fişgard şäherinden iberilipdir. Onuň 121 ýyldan soň adaty poçtanyň arasyna nähili düşendigi bolsa syr bolup galýar. Patyşalyk poçtasynyň wekili onuň şu wagta çenli poçtada saklanman, ýakynda iberilen bolmagynyň mümkindigini çaklaýar.
Hatyň taryhy sosial ulgamlarda uly gyzyklanma döretdi, bu ýerde Sounsiniň ýaşaýjylary şäheriň geçmişi barada ýatlamalary bilen paýlaşdylar. Seslenenleriň arasynda şol Lidiýanyň dolanan gyz agtygy hem bardy.
